- वि.सं २o७९ मङ्सिर ९ शुक्रबार
प्रतिनिधिसभा सदस्यका लागि दाङ ३ बाट सत्तागठबनधनका उम्मेदवार दीपक गिरी विजयी भएका छन् । कांग्रेस केन्द्रीय सदस्य गिरी प्रतिस्पर्धी एमालेकी कोमल वलीलाई सात हजार आठ सय १० मतले हराउँदै विजयी भएका हुन् ।
उनले ३६ हजार आठ सय ४२ मत ल्याए भने वलीले २९ हजार ३२ मत प्राप्त गरिन् । राष्ट्रिय स्वतन्त्र पार्टीका कमल सुवेदीले १५ हजार तीन सय मत ल्याए ।
उनी पूर्वसिंचाइमन्त्रीसमेत हुन् । सिंचाइमन्त्री हुँदा उनले दाङमा बृहत् दाङ उपत्यका सिंचाइ आयोजनाको कार्यालय खोलेर चर्चा कमाएका थिए । उनीसँगै दाङ ३ अन्तर्गतका दुईवटै प्रदेशसभामा गठबन्धनले विजयी हासिल गरेको छ । ३ (१) बाट काँग्रस डिल्लीबहादुर चौधरी तथा ३(२) बाट माओवादीका धनबहादुर मास्की विजयी भएका छन् ।
