- वि.सं २o७९ मङ्सिर २ शुक्रबार
दाङमा हथौडा प्रहार गरी श्रीमतीको हत्या गरिएको छ । इलाका प्रहरी कार्यालय खिलतपुरका अनुसार बबई गाउँपालिका– १ क्युरेनीनिवासी ४० वर्षीय लालबहादुर बोटेले श्रीमती ३४ वर्षीया खुमी बोटेलाई हथौडा प्रहार गरी हत्या गरेका हुन् ।
बिहीबार राति ३ बजेतिर हथौडा प्रहार गरी श्रीमतीको हत्या गरेको थाहा पाएपछि गाउँलेले लालबहादुरलाई घरभित्रै थुनेका थिए । उनलाई अहिले प्रहरीले नियन्त्रणमा लिएको छ । मदिरा खाएर श्रीमतीलाई हत्या गरेको हुन सक्ने प्रहरीले बताएको छ । यस विषयमा अनुसन्धान भइरहेको प्रहरीले बताएको छ ।
