स्थानीय तह नेतृत्वका लागि भिड्दै छन् युवा विद्यार्थी

उम्मेदवार बन्नेमा एमाले, कांग्रेस, एकीकृत समाजवादीभन्दा माओवादीनिकट विद्यार्थी धेरै 

आगामी ३० वैशाखमा हुन लागेको स्थानीय तहको चुनावमा केन्द्रीय तहका विद्यार्थी नेताहरूले बलियो दाबेदारीका साथ उम्मेदवारी प्रस्तुत गरेका छन् । स्थानीय तहको प्रमुख, उपप्रमुख, वडा अध्यक्ष तथा सदस्यमा विद्यार्थी नेताहरूले टिकट पाएर प्रतिस्पर्धा गर्दै छन् । 

एमाले, कांग्रेस र माओवादी केन्द्रनिकट विद्यार्थी संगठनमा आबद्ध विद्यार्थी नेताहरू स्थानीय तहमा विभिन्न पदका उम्मेदवार भएका छन् । प्राप्त विवरणअनुसार सबैभन्दा धेरै अखिल क्रान्तिकारीका केन्द्रीय स्तरका नेताहरू पालिकामा उम्मेदवार बनेका छन् । एमाले विभाजन भई माधव नेपाल नेतृत्वको एकीकृत समाजवादीनिकट अनेरास्ववियूका केन्द्रीय कमिटीका धेरै विद्यार्थी नेताले अवसर पाएका छन् । कांग्रेसनिकट नेविसंघमा वर्तमान कार्यसमितिमा अध्यक्ष मात्र छन् । यसअघिका कार्यसमितिमा रहेका नेता पनि थोरैले मात्र पालिकामा टिकट पाएका छन् । 

पालिकामा काम गर्न सक्ने हिसाबले युवाहरू सक्षम भएको पुष्टि भए पनि दलहरूले नयाँ र पुरानालाई स्थान दिनेक्रममा युवा विद्यार्थी नेताको संख्या कम भएको नेताहरूको भनाइ छ । 

राष्ट्रिय युवा परिषद्ले ४० प्रतिशत युवालाई उम्मेदवार बनाउन दलहरूलाई आग्रह गरेको थियो । देशमा १६ देखि ४० वर्ष उमेरसमूहका ४०.३५ प्रतिशत युवाको जनसंख्या रहेको र त्यहीअनुसार उम्मेदवार बनाउन युवा परिषद्ले सुझाव दिएको थियो । युवा परिषद्का कार्यकारी उपाध्यक्ष सुरेन्द्र बस्नेतले पार्टीहरूले युवा विद्यार्थीलाई उम्मेदवार बनाउने क्रम बढे पनि अझै उत्साहजनक अवस्था नभएको बताए । ‘पुराना उम्मेदवार दोहोरिएका छन्, तर नयाँ विद्यार्थी र युवाको उपस्थिति सन्तोषजनक छैन,’ उनले भने । संविधानको कार्यान्वयन र पालिकाको परिणाम आउने गरी विकास गर्न विद्यार्थी र युवाले अवसर पाउनुपर्ने उनको भनाइ छ । 

अनेरास्ववियुका वरिष्ठ उपाध्यक्ष आरसी लामिछानेले विद्यार्थी नेताहरू स्थानीय तहको उम्मेदवारमा सिफारिस धेरै भए पनि टिकट पाउँदा कम भएको बताए । ‘अहिले जतिले पाएका छन्, त्योभन्दा धेरै पाउनुपथ्र्यो,’ उनले भने, ‘अरू पार्टीको तुलनामा एमालेले युवा विद्यार्थीलाई स्थान दिएको र समावेशी बनाएको देखिन्छ ।’ यसअघिको स्थानीय निर्वाचनमा विजयी भएर काम गरेका अनेरास्ववियुका उत्पादनले राम्रो काम गरेका धेरै उदाहरण रहेको उनको दाबी छ । ‘विगतमा अनेरास्ववियुका उत्पादनले सञ्चालन गरेको पालिका हेर्दा धेरै राम्रो गरेको पाइएको छ, त्यसैले पनि युवालाई ठाउँ दिनुपर्छ,’ उनले भने । 

एकीकृत समाजवादीनिकट अनेरास्ववियूका पदाधिकारी तथा केन्द्रीय सदस्यहरूले भने धेरैले स्थानीय तहको नेतृत्वका लागि उम्मेदवारको टिकट पाएका छन् । अनेरास्ववियूका अध्यक्ष सुदेश पराजुलीले स्थानीय तहमा उम्मेदवार बन्न आकांक्षी ९५ प्रतिशतले अवसर पाएको बताए । पदाधिकारीको विवरण आए पनि केन्द्र्रीय सदस्य कतिले अवसर पाए भन्ने विवरण संकलन भइरहेको उनले बताए । 

कांग्रेसनिकट नेविसंघका विद्यार्थीहरू कमैले अवसर पाएका छन् । नेविसंघको कार्यसमितिमा अध्यक्ष दुजाङ शेर्पा मनोनीत भए पनि अहिले केन्द्रीय कमिटीले पूर्णता पाएको छैन । नेविसंघका केही जिल्ला कमिटीमा आबद्धहरूले पालिकाको उम्मेदवार बन्ने अवसर पाएका छन् । बाँकेका नेविसंघका जिल्ला अध्यक्ष पूर्णप्रसाद आचार्य कोहलपुर नगरपालिकाको मेयरको उम्मेदवार बनेका छन् । नेविसंघका पूर्वउपाध्यक्ष आनन्द त्रिपाठीले भानु नगरपालिकाको मेयरको टिकट पाएका छन् । पूर्व केन्द्रीय सदस्य मेघा शाही जितपुर–सिमरा उपमहानगरपालिकाको उपमेयर बनेकी छन् ।

नेविसंघबाट तीन विद्यार्थी नेता उम्मेदवार
- पूर्वउपाध्यक्ष आनन्द त्रिपाठी, मेयर, भानु नगरपालिका तनहुँ 
- पूर्वकेन्द्रीय सदस्य मेघा शाही, उपमेयर, जितपुर–सिमरा उपमहागर, बारा 
- बाँके जिल्ला अध्यक्ष पूर्णप्रसाद आचार्य, मेयर, कोहलपुर नगरपालिका 

अखिलको केन्द्रीय कमिटीबाट १३ विद्यार्थी नेता उम्मेदवार

- स्थायी कमिटी सदस्य डम्बर बिसी, तुर्माखाद गाउँपालिका, अध्यक्ष अछाम
- स्थायी कमिटी सदस्य अस्मिता थापा,  लिखु गाउँपालिका, उपाध्यक्ष, ओखलढुंगा
- स्थायी कमिटी सदस्य समीपबाबु खान, मेयर उम्मेदवार– मलंगवा नगर, सर्लाही
- सचिव एलबी सिंह लोकेन्द्र, अध्यक्षका उम्मेदवार – खप्तड छान्ना गाउँपालिका 
- केन्द्रीय सदस्य अमर जोशी, उपप्रमुखका उम्मेदवार – बझाङ, बुङल नगरपालिका 
- केन्द्रीय सदस्य रुपा कठायत, दीपायल नगरपालिका उपमेयरका उम्मेदवार, डोटी
- स्थायी कमिटी सदस्य अभिषेक सुवेदी,  तामाकोसी गाउँपालिका, अध्यक्ष दोलखा
- सचिवालय सदस्य हिम्मत खड्का, ताजाकोट गाउँपालिका–१ का वडाध्यक्ष
- सचिवालय सदस्य अमित महर, वडाध्यक्ष बझाङ 
- सचिवालय सदस्य शंकर गौतम, रामपुर गाउँपालिका–७ का वडाध्यक्ष, पाल्पा
- सचिवालय सदस्य भरत कोने गुरुङ, अन्नपूर्ण गाउँपालिका–७ का वडाध्यक्ष, कास्की
- सचिवालय सदस्य निरकबहादुर शाही, वडाध्यक्ष, तुर्माखाद गाउँपालिका, अछाम
- रुकुम जिल्ला अध्यक्ष प्रकाश खड्का, उपाध्यक्ष, सानीभेरी गाउँपालिका 

एकीकृत समाजवादीनिकटअनेरास्ववियुबाट आठजना
- केन्द्रीय उपाध्यक्ष माधव पन्त, उपमेयर, शुक्लाफाँटा नगरपालिका, कञ्चनपुर
- उपमहासचिव कल्याण दाहाल, उपप्रमुख बैतेश्वर पाउँपालिका, दोलखा
- उपमहासचिव दीपक फुयाल, मालुङ गाउँपालिका वडाध्यक्ष, ओखलढुंगा
- केन्द्रीय सचिव मनीषा कार्की, मेयर, चामुण्डा नगरपालिका, दैलेख
- स्थायी कमिटी सदस्य सन्तोष न्यौपाने, अध्यक्ष, पैयु गाउँपालिका, पर्वत
- स्थायी कमिटी सदस्य छवि भट्टराई, मेयर देवदह नगरपालिका, रुपन्देही
- स्थायी कमिटी सदस्य विकास रेग्मी, महाशिला गाउँपालिका– ४ वडाध्यक्ष
- स्थायी कमिटी सदस्य कल्पना सापकोटा, अध्यक्ष, गाउँपालिका, म्याग्दी

अखिल (क्रान्तिकारी) बाट उम्मेदवार बनेका ३५ विद्यार्थी नेता

प्रदेश १
- प्रदेश समिति उपाध्यक्ष योगेश भट्टराई मेन्छयायम गाउँपालिका, उपाध्यक्ष, तेह्रथुम 
- प्रदेश समिति उपाध्यक्ष शंकर तिमल्सिना, लिखु गाउँपालिका–८ सदस्य, ओखलढुंगा 
- प्रदेश समिति प्रमुख सचिव जिसस न्यौपाने, विराटनगर महानगरपालिका–४ वडाध्यक्ष, मोरङ
- केन्द्रीय समिति सदस्य पदम रखाल मगर उमहालक्ष्मी नगरपालिका–२, वडाध्यक्ष,  धनकुटा 
- प्रदेश समिति सदस्य अहेसान अन्सारी, बर्जु गाउँपालिका–५ वडाध्यक्ष,  सुनसरी 
- जिल्ला समिति सदस्य इम्रान मन्सुरी, बर्जु गाउँपालिका–६ वडाध्यक्ष, सुनसरी 
- जिल्ला समिति सदस्य रेवतीप्रसाद प्याकुरेल, इटहरी उप–महानगरपालिका–१३ सदस्य, सुनसरी 
- जिल्ला समिति सदस्य खगेन्द्र नेपाल, मोलुङ गाउँपालिका–२ सदस्य, ओखलढुंगा

मधेस प्रदेश 
- रामेश्वर यादव– जिल्ला उपाध्यक्ष महादेवा गाउँपालिका–१ वडाध्यक्ष, सप्तरी
- सचिन कुशाहा– जिल्ला उपाध्यक्ष गढीमाई नगरपालिका– मेयर, बारा

गण्डकी प्रदेश 
- प्रविणा अधिकारी– केन्द्रीय उपाध्यक्ष माछापुच्छ्रे गाउँपालिका, कास्की– उपप्रमुख
- शरण विक – जिल्ला अध्यक्ष कास्की अन्नपूर्ण गाउँपालिका– ८ वडाध्यक्ष
- रेशम कटुवाल –जिल्ला अध्यक्ष/केन्द्रीय सदस्य, म्याग्दी रघुगंगा गाउँपालिका–३ वडाध्यक्ष
- अरविन्द भट्टराई – केन्द्रीय सदस्य बन्दिपुर गाउँपालिका–४, वडाध्यक्ष, तनहुँ
-सुसन ताम्राकार – केन्द्रीय सदस्य पुतलीबजार नगरपालिका–१ वडाध्यक्ष, स्याङ्जा

लुम्बिनी 
- केन्द्रीय सचिव – सुमन श्रेष्ठ, प्युठान नगरपालिका–३, वडाध्यक्ष  
- लुम्बिनी प्रदेश अध्यक्ष – घनश्याम खरेल, चन्द्रकोट गा.पा.– १ वडाध्यक्ष, गुल्मी 
- लुम्बिनी प्रदेश उपाध्यक्ष –रुपेन्द्र मल्ल, सिस्ने गा.पा.–६

वडाध्यक्ष, रुकुम 
- केन्द्रीय सदस्य –निमराज खनाल, ठाकुरबाबा न.पा.–१ वडाध्यक्ष, बर्दिया 
- केन्द्रीय सदस्य – रेशम अधिकारी, बासगढी न.पा.–५ वडाध्यक्ष, बर्दिया 
- केन्द्रीय सदस्य –हरिशचन्द्र खनाल, कपिलवस्तु न.पा., वडा सदस्य
- लुम्बिनी प्रदेश सदस्य –भीम लुङ्गेली, सदस्य –माछागढी गा.पा. ७, पाल्पा 
- सहसचिव – मानवविक्रम क्षेत्री, बर्दाघाट न.पा.–१२, सदस्य, परासी

कर्णाली प्रदेश 
-अम्मरराज शाही – केन्द्रीय उपाध्यक्ष, हिमा गाउँपापालिका – अध्यक्ष, जुम्ला

विशेष प्रदेश 
- यमुना पुडासैनी – केन्द्रीय प्रतिनिधि, टोखा नगरपालिका, उपमेयर, काठमाडौं 
- प्रदीप तज – जिल्ला अध्यक्ष, सूर्यविनायक नगरपालिका, भक्तपुर–५ वडा सदस्य
- भूपेन्द्र कट्टेल– केन्द्रीय प्रतिनिधि, नेचासल्यान गाउँपालिका, अध्यक्ष, सोलुखुम्बु 
- जगदीश शाही – केन्द्रीय सदस्य, चामुण्डाबिन्द्रासैनी नगरपालिका, मेयर, दैलेख

सुदूरपश्चिम प्रदेश
बाजुरा
- दिपक डिसी – प्रदेश अध्यक्ष, खप्तड छेडेदह गाउँपालिका–  ३ वडाध्यक्ष
- पारस बुढा – केन्द्रीय सदस्य, त्रिवेणी नगरपालिका – ६ वडाध्यक्ष 
- नरबहादुर बुढा –प्रदेश सदस्य, बुढीगंगा नगरपालिका – १० वडा सदस्य
- वीरेन्द्र विष्ट– केन्द्रीय सदस्य, भीमदत नगरपालिका – १८ वडाध्यक्ष 
- किरण अधिकारी– जिल्ला उपाध्यक्ष, आदर्श गाउँपालिका डोटी – ५ वडाध्यक्ष 
- रामचन्द्र रोकाया – केन्द्रीय सदस्य, मास्ट गाउँपालिका बझाङ – १ वडाध्यक्ष
- दमन धामी – जिल्ला उपाध्यक्ष, पुर्चौडी नगरपालिका बैतडी –४ वडा सदस्य