प्रधानन्यायाधीशविरुद्ध दर्ता भएको महाभियोगको प्रस्तावमाथि प्रतिनिधिसभाको आइतबारको बैठकमा छलफल हुने भएको छ। संसद्को सम्भावित कार्यसूचीअनुसार बैठकमा चोलेन्द्रशमशेर जबराविरुद्ध दर्ता भएको महाभियोगको प्रस्तावमाथि छलफल हुने दिन र समय निर्धारण हुने उल्लेख छ।
२९ गते आइतबार दिउँसो १ बजेका लागि प्रतिनिधिसभा बैठक आह्वान गरिएको छ। जबराको कार्यक्षमता र आचरणसम्बन्धी प्रश्न उठाएर फागुन १ मा महाभियोग प्रस्ताव दर्ता भएको थियाे। यसअघि फागुन २२ गते बसेको संसद् बैठकले ११ सदस्यीय महाभियोग सिफारिस समिति गठन गरेको थियो।
See More On
