मटिहानीमा भेटिएको बम डिस्पोज

महोत्तरीको मटिहानी नगरपालिकाअगाडि फेला परेको बम नेपाली सेनाको टोलीले डिस्पोज गरेको छ। शनिबार बिहान भेटिएको बम नेपाली सेनाको रणभीम गणको बम डिस्पोज टोलीले डिस्पोज गरेको हो।

बिहान १० बजे भेटिएको बम दिउँसो १ बजे डिस्पोज गरिएको हो। प्रेसर कुकरमा तारजडित उक्त बम अत्यधिक शक्तिशाली रहेको प्रहरीलाई उदृत गर्दै मेयर हरिप्रसाद मण्डलले बताए। बम कसले र किन राख्यो भन्ने हालसम्म खुलेको छैन।