इलाका प्रहरी कार्यालय जमुनाहले तीन किलो चरेससहित तीनजनालाई पक्राउ गरेको छ। नेपालबाट भारततर्फ लैजाँदै गरेको अवस्थामा इलाका प्रहरी कार्यालय जमुनाहका इन्चार्ज सइ मीनबहादुर विष्ट र लागुऔषध नियन्त्रण ब्युरोको टोलीले सो परिमाणमा लागुऔषध चरेस बरामद गरेको हो।
सुर्खेतको सिम्ता गाउँपालिका– ४ का ४० वर्षीय वीरेन्द्र हमाल, सोही ठाउँकी ३८ वर्षीया दीपा बुढा र जाजरकोटको शिवालय गाउँपालिका– २ की २३ वर्षीया खिमा खत्रीलाई पक्राउ गरिएको प्रहरीले जनाएको छ। झोलामा लुकाइछिपाई भारत लैजाने क्रममा शंका लागेर जेकजाँच गर्दा उनीहरूको साथबाट चरेस बरामद भएको सइ विष्टले बताए।
