नेकपा एकीकृत समाजवादीका अध्यक्ष माधवकुमार नेपालले एमसिसीको पक्षमा सहयोग गर्न नसक्ने बताएका छन्। अधिकांश जनमत एमसिसीको विपक्षमा भएकाले आफ्नो पार्टीले सहयोग गर्न नसक्ने बताएका हुन् ।
शुक्रबार वीरगन्जमा आयोजित पत्रकार सम्मेलनमा बोल्दै उनले कतिपय कुरा मिलाउन बाँकी रहेकाले यही अवस्थामा सहयोग गर्न नसक्ने बताएका हुन्। एमसिसीबारे सत्यको पक्षमा उभिनेका लागि आफ्नो पार्टी सधैँ तयार रहेको बताए ।
प्रधानमन्त्री शेरबहादुर देउवा एमसिसी पारित गराउन लागेकाले यही अवस्थामा एमसिसीलाई समर्थन गर्न नसक्ने ठोकुवा गरे। पूर्वप्रधानमन्त्रीसमेत रहेका नेता नेपालले एमसिसीको बारेमा अहिले नेपाली जनता र सतारुढ राजनीतिक दल विभाजित भएकाले एमसिसी पास गर्ने कुरा चुनौतीपूर्ण भएको उल्लेख गरे । नेता नेपालले एमाले अध्यक्ष ओली देश बेचुवाको मण्डले, संस्कार नभएको, कम्युनिस्ट सिद्धान्त र आचरणविपरीत कार्य गर्दै आएका व्यक्ति रहेको आरोप लगाए।
