नेकपा एमालेले नेपाल -भारत संयुक्त आयोगको बैठकमा सीमालगायत दुई देशबीचमा थाती रहेका विषयलाई कूटनीतिक माध्यमबाट टुंग्याउने भनी गरिएको सहमतिविपरीत भारतीय पक्षबाट नेपाली भूभागमा सडकसहितका संरचना निर्माणलाई तीव्रता दिएकोप्रति ध्यानाकर्षण गराएको छ ।
मंगलबार विज्ञप्ति जारी गर्दै एमालेले नेपालको सार्वभौमिकता, भौगोलिक अखण्डता र स्वाधीनतामाथि आँच पुर्याउने गतिविधि तत्काल बन्द गर्न भारतसँग आग्रहसमेत गरेको छ ।
वार्ताबाट समाधान नखोजिँदासम्म राज्यस्तरबाट कुनै पनि संरचना बनाइन नहुनेमा एमालेले जोड दिएको छ । भारतले गरेको यस्ता गतिविधिप्रति वर्तमान सरकार मौन रहनुले अनेकौँ प्रश्न जन्माएको पनि विज्ञप्तिमा जनाइएको छ ।
See More On
