कांग्रेस महाधिवेशन : ३:४५ बजेसम्म १३ सय बढी मत खस्यो

नेपाली कांग्रेसको १४औँ महाधिवेशनका लागि आज भएको मतदानमा १,३६५ भन्दा बढी मत खसेको छ। ११ बजेदेखि सुरु भएको मतदानमा ३:४५ बजेसम्म उक्त मतदान भएको हो। कांग्रेस महाधिवेशनमा १३२ पदका लागि ४८७ उम्मेदवार चुनावी प्रतिस्पर्धामा छन्। नयाँ नेतृत्वका लागि राष्ट्रिय सभागृहमा एक स्थान र भृकुटीमण्डपमा दुई स्थानमा मतदान भइरहेको छ। कांग्रेस केन्द्रीय निर्वाचन समितिका अनुसार हाल राष्ट्रिय सभागृहमा ५१३ र भृकुटीमण्डपका दुई स्थानमा ८५२ मत खसेको छ।