बालुवाटारमा बसेको शेरबहादुर देउवा पक्ष र कृष्णप्रसाद सिटौला पक्षको छलफलले पदाधिकारीकाे उम्मेदवार टुंगो लगाएको छ। महामन्त्रीमा प्रदीप पौडेल र प्रकाशशरण महत तथा उपसभापतिमा पूर्णबहादुर खड्का र विजयकुमार गच्छदारको नाम फाइनल भएको नेता गाेपालमान श्रेष्ठले जानकारी दिए।
त्यस्तै, सहमहामन्त्रीमा जनजातिबाट भीष्मराज आङ्देम्बे, दलितबाट मानबहादुर विश्वकर्मा, मधेसीबाट महिन्द्र यादव, खस–आर्यबाट किशोरसिंह राठौर, थारूबाट उमाकान्त चौधरी र मुस्लिमबाट फर्मुल्लाह मन्सुर उम्मेदवार रहने टुंगो लागेको छ।
सहमहामन्त्रीमा पिछडिएको क्षेत्रबाट जीवन शाही र महिलाबाट डिना उपाध्याय सहमहामन्त्रीको उम्मेदवार टुंगो लगाएको एक नेताले जानकारी दिए।
See More On
