२४ लाख ५० हजार रुपैयाँ घुससहित पक्राउ परेका भक्तपुर मालपोतका तत्कालीन प्रमुख कुमार आचार्य र कार्यालय सहयोगी टीकाराम राउत भ्रष्टाचार मुद्दामा दोषी ठहर भएका छन्। विशेष अदालतले मंगलबार फैसला सुनाउँदै उनीहरूलाई दोषी ठहर गरेको हो।
चाँगुनारायणमा रहेको १४ रोपनी ४ आना जग्गाको मोही लगत कट्टाका लागि उनीहरूले घुस मागेका थिए। अख्तियार दुरुपयोग अनुसन्धान आयोगको टोलीले उनीहरूलाई रंगेहात पक्राउ गरी २८ साउन २०८२ मा मुद्दा दायर गरेको थियो। विशेष अदालतका न्यायाधीशहरू नारायणप्रसाद पौडेल, हेमन्त रावल र उमेश कोइरालाको इजलासले दोषी ठहर गरी सजाय निर्धारणका लागि अर्काे दिन पेस गर्न आदेश दिएको हो।
सोही मुद्दामा अदालतमा प्रतिकूल बकपत्र गरेको आरोपमा मुद्दा खेपेका तेजबहादुर तामाङ र सानुकान्छा तामाङलाई भने विशेष अदालतले सफाइ दिएको छ।
See More On
