दोस्रो संस्करणको नेपाल प्रिमियर लिग (एनपिएल) मा सुदूरपश्चिम रोयल्सका दायाँहाते बलर अविनाश बोहरा दोस्रो एनपिएलकै सर्वाधिक विकेट लिने बलर बनेका छन् । अभिनाशले मंगलबार त्रिवि अन्तर्राष्ट्रिय क्रिकेट मैदानमा विराटनगर किंग्सका दुई खेलाडी आउट पार्दै विराटनगरकै कप्तान सन्दीप लामिछानेलाई पछि पारेका हुन् ।
अभिनाशले आठ खेलमा १६ विकेट संख्या पुर्याएका छन् । दोस्रो स्थानको सन्दीपले आठै खेलमा १५ विकेट लिएका छन् । दोस्रो संस्करणको क्वालिफायर वानमा सन्दीप विकेटविहीन भएका थिए ।
उनले चार ओभरमा १६ रन खर्चेका थिए । अभिनाशले लिग चरणमा विराटनगरविरुद्ध दुई विकेट हात पारेका थिए । उनले जनकपुर बोल्ट्ससँगको खेलमा ३० रन खर्चेर चार विकेट तथा लुम्बिनीविरुद्ध २६ रन दिएर तीन विकेट हात पारे ।
See More On
