किटमा प्रेसा मृत्यु प्रकरणको छानबिन गरी उचित न्याय दिन सरकारलाई राष्ट्रिय सभाको निर्देशन

राष्ट्रिय सभाले भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआइआइटी) मा मृत फेला परेकी प्रेसा साहको घटनाको निष्पक्ष छानबिन गरी उचित न्याय प्रदान गर्न सरकारलाई निर्देशन दिएको छ ।

आइतबारको राष्ट्रिय सभाको बैठकमा आकस्मिक र शून्य समयमा उठाएका विषयमा सभाको गम्भीर ध्यानाकर्षण भएको भन्दै राष्ट्रिय सभा अध्यक्ष नारायणप्रसाद दाहालले सरकारलाई निर्देशन दिएका हुन् । 

सर्लाहीको कविलासी नगरपालिका– ८, कविलासी चोकनिवासी श्यामप्रसाद साहकी २० वर्षीया छोरी प्रेसा गत बिहीबार बेलुका कलिंगा इन्स्टिच्युट अफ इन्डस्ट्रियल टेक्नोलोजी (केआइआइटी) मा झुन्डिएको अवस्थामा मृत फेला परेकी थिइन् ।