प्रधानमन्त्री ओली र भारतीय विदेशसचिव मिश्रीबीच भेटवार्ता

प्रधानमन्त्री केपी ओलीसँग नेपाल भ्रमणमा रहेका भारतीय विदेशसचिव विजय मिश्रीले भेटवार्ता गरेका छन्।

सिंहदरबारस्थित प्रधानमन्त्री तथा मन्त्रिपरिषद् कार्यालयको नयाँ भवनमा भएको भेटवार्तामा द्विपक्षीय सरोकारका विषयमा छलफल भएको छ। भेटवार्ताको विस्तृत विवरण आउन बाँकी छ। 

भेटमा नेपाल तथा भारतका अधिकारीहरूसमेत सहभागी थिए। दुईदिने भ्रमणका लागि आज बिहान काठमाडौं उत्रिएका विदेशसचिव मिश्रीले आजै राष्ट्रपति रामचन्द्र पौडेलसँग पनि शिष्टाचार भेटवार्ता गरिसकेका छन्।