ओमानविरुद्ध नेपालले टस जित्यो, बलिङ गर्ने

आइसिसी टी–२० विश्वकप छनोटअन्तर्गत ओमानविरुद्ध नेपालले टस जितेर फिल्डिङ रोजेको छ। कीर्तिपुरस्थित त्रिवि मैदानमा कप्तान रोहितकुमार पौडेलले टस जितेर बलिङ गर्ने निर्णय गरेका छन् । ओमान  सुरुआती ब्याटिङमा गर्नेछ । 

नेपाल र ओमान दुवैले समान दुई खेल जितेका छन्। नेटरनरेटमा ओमान शीर्षस्थानमा छ। मलेसिया र सिंगापुर बाहिरिसकेका छन् । 

नेपालले पहिले खेलमा सिंगापुरलाई आठ विकेट र मलेसियालाई ६ विकेटले पराजित गरेको थियो ।