- वि.सं २o७९ कार्तिक २४ बिहीबार
मकवानपुरको बकैया गाउँपालिकामा ट्याक्टर पल्टिँदा एकजनाको मृत्यु भएको छ, एकजना घाइते भएका छन् । दुर्घटनामा बागमती– ५ बगेरी बस्ने अन्दाजी २६–२७ वर्षका सत्यमान घिसिङको मृत्यु भएको मकवानपुर प्रहरी प्रवक्ता प्रहरी नायब उपरीक्षक टेकबहादुर कार्कीले जानकारी दिए ।
बुधबार राति धरान–चतरा सडकखण्डअन्तर्गत बकैया– ४ छतिवनमा हेटौँडाबाट हात्तीसुँडेतर्फ जाँदै गरेको बागमती प्रदेश ०३–००१त ३४१ नम्बरको ट्याक्टर आफैँ अनियन्त्रित भई सडकमा पल्टिँदा घिसिङको घटनास्थलमै मृत्यु भएको हो ।
यस्तै, ट्याक्टरमा सवार बागमती– ५ कै ३५ वर्षीय दमैसिंह सिन्तान भने घाइते भएको र उनको हेटौँडा अस्पतालमा उपचार भइरहेको प्रहरी प्रवक्ता कार्कीले बताए । ट्याक्टरचालक तथा ट्याक्टर प्रहरी नियन्त्रणमा रहेको जनाइएको छ।
2022-09-29-12-22-58.jpeg)
