- वि.सं २o७९ असोज २० बिहीबार
पूर्व–पश्चिम राजमार्गअन्तर्गत बाराको जितपुर–सिमरा– २२ तीन नम्बर पुलनजिकको मोडमा भएको बस दुर्घटनामा परी मृत्यु हुनेको संख्या १२ पुगेको छ ।
दुर्घटनामा परी घाइते भएकालाई उपचारका लागि हेटौँडा ल्याइएकोमा अहिलेसम्म १२ जनाको मृत्यु भएको मकवानपुरका प्रहरी प्रमुख एसपी वामदेव गौतमले जानकारी दिए ।
हेटौँडाबाट वीरगन्जतर्फ जाँदै गरेको बागमती प्रदेश ०६–००१ ख ०११० नम्बरको बस सडकबाट सय मिटर तल खसेर दुर्घटना भएको हो ।
दुर्घटनामा ३२ जना घाइते भएको र उनीहरूको हेटौँडाका विभिन्न अस्पतालमा उपचार भइरहेको एसपी गौतमले जानकारी दिए । गम्भीर घाइतेमध्ये केहीलाई भरतपुर पठाउने तयारी भइरहेको पनि एसपी गौतमले बताए ।
2022-09-29-12-22-58.jpeg)
