- वि.सं २o७९ श्रावण २८ शनिबार
राप्रपा नेपाल केन्द्रीय समितिको बैठक आगामी साउन ३० र ३१ गते काठमाडौंमा बस्ने भएको छ। बैठकमा अध्यक्ष कमल थापाको राजनीतिक कार्यपत्र, महामन्त्रीहरुको सचिवालय, संगठन, प्रशिक्षणसम्बन्धी प्रतिवेदन, प्रदेश अध्यक्षहरूको सांगठनिक प्रतिवेदन पेस हुने पार्टीका महामन्त्री राजाराम बर्तौलाले जानकारी दिए ।
बैठकमा कोषाध्यक्षको आर्थिक प्रतिवेदन, जनवर्गीय संगठनका प्रमुखहरूको प्रतिवेदन, आगामी संघ र प्रदेश निर्वाचनको तयारी र रणनीतिबारे समेत छलफल हुने बताइएको छ। करिब तीन हप्ताको बेलायत भ्रमण सम्पन्न गरी अध्यक्ष थापा भोलि स्वदेश फर्कने कार्यक्रम रहेको छ ।
