- वि.सं २o७९ श्रावण १९ बिहीबार
नेपाल-चीन हिमालय मैत्री समाज नेपाल (नेचिप्स)ले अमेरिकी सभामुख न्यान्सी पेलोसीको ताइवान भ्रमणप्रति निन्दा गरेको छ । मंगलबार साँझ अमेरिकाको प्रतिनिधिसभाकी सभामुख न्यान्सी पेलोसी ताइवान उत्रिएकी थिइन् ।
बिहीबार विज्ञप्ति जारी गर्दै नेचिप्सले एक चीन नीतिप्रति नेपाल सदैव प्रतिबद्ध रहेको जनाएको छ । चीनविरुद्ध कुनै पनि शत्रुतापूर्ण गतिविधिका लागि भूमि प्रयोग हुन नदिने नेपालको नीतिअनुसार नेचिप्सले ताइवान चीनको अभिन्न अंग भएकाले अमेरिकी सभामुखको यो भ्रमण चीनको सार्वभौमसत्ता र क्षेत्रीय अखण्डतामा हस्तक्षेप गर्ने कार्य भएको ठहर गरेको छ ।
यस्ता कार्यले अस्थिरता सिर्जना गर्ने विज्ञप्तिमा जनाइएको छ ।
