- वि.सं २o७९ श्रावण ११ बुधबार
साफ यू–२० च्याम्पियनसिप फुटबलअन्तर्गत नेपालले आफ्नो दोस्रो खेल पनि सहजै जितेको छ । भारतको भुवनेश्वरस्थित कालिंगा रंगशालामा भर्खरै सकिएको खेलमा नेपालले श्रीलंकालाई ३–० ले हरायो ।
तीनै गोल दोस्रो हाफमा सम्भव भएको हो । नेपालका लागि कप्तान आशिष घलान, क्रितिसरत्न छुन्जु र मनग्य नकर्मीले गोल गरे । सबै गोल दर्शनीय थिए । नेपालले पूर्ण नियन्त्रणमा लिएको खेलमा पहिलो हाफ भने बराबरी भएको थियो । तर, दोस्रो हाफमा श्रीलंकाली डिफेन्स लाइनअप नेपाली खेलाडीलाई रोक्न असफल भयो । जितपछि नेपालको ६ अंक भएको छ । नेपालले पहिलो खेलमा माल्दिभ्सलाई हराएको थियो ।
