- वि.सं २o७९ श्रावण ११ बुधबार
साफ यू–२० च्याम्पियनसिप फुटबलअन्तर्गत श्रीलंकासँगको जारी खेलमा नेपालले अग्रता दोब्बर बनाएको छ । दोस्रो हाफको खेल चलिरहँदा नेपालले दोस्रो गोल गरेको हो ।
नेपालका लागि क्रितिसरत्न छुन्जुले डिबक्सभन्दा बाहिरबाट गरेको कडा प्रहारले जाली चुमेपछि नेपालले अग्रता दोब्बर पार्यो ।
त्यसअघि कप्तान आशिष घलानले ५८औँ मिनेटमा रिबाउन्डमा गोल गर्दै नेपाललाई अग्रता दिलाएका थिए ।
भारतको भुवनेश्वरस्थित कालिंगा रंगशालामा अहिले दोस्रो हाफको खेल चलिरहेको छ । पहिलो हाफमा कुनै गोल भएको थिएन ।
