- वि.सं २o७९ श्रावण ८ आइतबार
भक्तपुरको सल्लाघारीमा रूख ढलेर गुडिरहेको बस र स्कुटरलाई किच्दा १५ जना घाइते भएका छन्। घाइतेमध्ये तीनजनाको अवस्था गम्भीर रहेको जिल्ला प्रहरी परिसर भक्तपुरका प्रवक्ता डिएसपी राजु पाण्डेले नयाँ पत्रिकालाई जानकारी दिएका छन्।
अपराह्न १२ बजे काठमाडौंबाट भक्तपुर गइरहेको बा.२ख ३५८४ नम्बरको बस र बा.६१प ३९७८ नम्बरको स्कुटरलाई रूखले किचेको हो। बसमा सवार दुई र स्कुटरमा सवार एकजना गम्भीर घाइते रहेका बताइएको छ। घाइतेहरूको डा. इवामुरा मेमोरियल अस्पताल, भक्तपुर इन्टरनेसनल अस्पताल र मध्यपुर अस्पतालमा उपचार भइरहेको प्रहरीले जनाएको छ।
