- वि.सं २o७९ असार ३१ शुक्रबार
ताप्लेजुङको मेरिङदेन गाउँपालिका– २ सान्थाक्रामा चट्याङ लागेर एकजनाको मृत्यु भएको छ भने दुईजना घाइते भएका छन् । मेरिङदेन गाउँपालिका– २ सान्थाक्रा मैखुका १५ वर्षीय लाकुमार शेर्पाको घटनास्थलमै मृत्यु भएको गाउँपालिकाका अध्यक्ष डम्बर हाङगामले बताए ।
स्थानीय सूर्यदेवी माविमा कक्षा ९ मा अध्ययनरत शेर्पाकाे घरमा बसिरहेको वेला वर्षासहितको चट्याङ लागेर मृत्यु भएको हो । अध्यक्ष हाङगामका अनुसार घाइते हुनेमा निमलामु शेर्पा र नितेम्बा शेर्पा रहेका छन् ।
उनीहरूको सान्थाक्रा स्वास्थ्य चौकीमा उपचार भइरहेको छ । घाइते एकजनाको कानमा चोट लागेको छ भने एकजनाको नाकबाट रगत आएको देखिएको छ । तर, उनीको अवस्था सामान्य छ । मृत्यु हुने लाकुमार शेर्पाको भने कतै चोटपटक देखिँदैन । मृतकको शव पोस्टमार्टमका लागि जिल्ला अस्पताल लगिएको छ ।
2024-09-18-01-30-27.gif)
2024-09-18-01-30-29.gif)
