- वि.सं २o७९ असार ३० बिहीबार
इलाका प्रहरी कार्यालय हिरमिनियाले भारतबाट ल्याउँदै गरेको ठूलो परिमाणको अवैध कपडा बरामद गरेको छ । भन्सार छली अवैध बाटोबाट ल्याउँदै गरेको दुई लाख १७ हजार एक सय मूल्य बराबरको कपडा प्रहरीले बरामद गरेको हाे ।
उक्त कपडा नेपालगन्ज उपमहानगरपालिका १४ भाटनपुर्वाबाट बरामद गरिएको जिल्ला प्रहरी कार्यालय बाँकेका प्रवक्ता डिएसपी मधुसुदन न्यौपानेले जानकारी दिए।
बरामद गरिएकाे कपडामा १९६ थान लेडिज कुर्तासरवाल, १९ थान कोटपाइन्टको कपडा र २१ थान सल रहेको छ । बेवारिसे अवस्थामा फेला परेको कपडा आवश्यक कारबाहीका लागि नेपालगन्ज भन्सार कार्यालयमा बुझाइएको प्रहरीले जनाएकाे छ ।
