निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज ११ मंगलबार
  • Tuesday, 27 September, 2022
फाइल फोटो
नयाँ पत्रिका काठमाडौं
२०७९ असार २० सोमबार १८:४९:००
Read Time : < 1 मिनेट
मुख्य समाचार डिजिटल संस्करण

प्रधानन्यायाधीशविरुद्धको महाभियोग प्रस्तावबारे छिट्टै संसदमा छलफल हुन्छ : कानुनमन्त्री

Read Time : < 1 मिनेट
नयाँ पत्रिका, काठमाडौं
२०७९ असार २० सोमबार १८:४९:००

कानुन, न्याय तथा संसदीय मामिलामन्त्री गोविन्द्रप्रसाद शर्मा कोइरालाले प्रधानन्यायाधीश चोलेन्द्रशमशेर जबराविरुद्ध लगाइएको महाभियोग प्रस्तावबारे संसदमा छिट्टै छलफल हुने बताएका छन् । प्रमुख प्रतिपक्ष दल नेकपा एमालेले  महाअभियोग प्रस्ताव तत्काल छलफलमा ल्याउन सरकारलाई दबाब दिइरहेका वेला उनले यस्तो बताएका हुन् । 

सोमबार संसद् भवन परिसरमा सञ्चारकर्मीमाझ उनले अहिले बजेट पारित गराउने पहिलो दायित्व भएकाले संसदमा महाअभियोग प्रस्तावबारे छलफल गराउने काममा ढिलाइ हुन गएको बताए । मन्त्री कोइरालाले महाभियोग प्रस्ताव संसदमा छलफल गराउनका लागि संघीय संसद्को कार्यव्यवस्था परामर्श समितिमा छलफल भइरहेको जानकारी दिए ।

‘संसद्को बजेट पारित गराउनुपर्ने पहिलो दायित्व थियो । अब त्यो पास भइसकेको छ । अब बजेट पास भइसकेपछि बाँकी रहेका विधेयकहरू आउँदै छन् । साथसाथै महाभियोगलाई पनि छिट्टै हामी संसदमा छलफल गराउँदै छौँ । संसदमा छलफल गराउने कुरामा कार्यव्यवस्था परामर्श समितिमा छलफल पनि चलिराखेको छ,’ उनले भने, ‘अब त्यो धेरैबेर रहन्न । यही अधिवेशनमा त्यो छलफल भएर उहाँविरुद्ध लगाएको आरोपहरू के–के हुन्, त्यो आरोपसँग सम्बद्ध प्रमाणहरू के–के हुन् ? त्यसबारे संसदमा व्यापक छलफल हुन्छ ।’

प्रधानन्यायाधीश जबराविरुद्ध सत्तारुढ दलका ९८ सांसदहरूले गत फागुन १ गते संसदमा महाभियोग प्रस्ताव दर्ता गराएका थिए। प्रधानन्यायाधीश जबरा निलम्बित भए पनि उनकाे सबै कार्यभार कायममुकायम प्रधानन्यायाधीश दीपककुमार कार्कीले सम्हाल्दै आएका छन् ।