लागुऔषधसहित प्रहरीले रौतहटबाट एकजनालाई पक्राउ गरेको छ । लागुऔषध विशेष व्युरो वीरगन्ज र प्रहरीचौकी पौराई रौतहटको संयुक्त टोलीले लागुऔषध नाइट्रोभेट ट्याबलेटसहित सर्लाही घर भएका एकजनालाई पक्राउ गरेको हो ।
पक्राउ पर्नेमा सर्लाही जिल्लाको बरहथवा नगरपालिका १४ घर भएका ३६ वर्षीय मनोजकुमार सिंह रहेकाे इलाका प्रहरी कार्यालय चन्द्रनिगाहपुरका डिएसपी सन्तुप्रसाद जयसवारले बताए ।
शुक्रबार साँझ पक्राउ परेका सिंहको साथबाट नाइट्रोभेट ४८० पिस बरामद गरेको हो । सिंहलाई पूर्व–पश्चिम राजमार्गको पौराई सडक खण्डबाट पक्राउ गरिएको प्रहरीले बताएको छ ।