- वि.सं २o७९ असार ७ मंगलबार
युवतीको साथमा रहेको एक लाख रुपैयाँ, दुई तोला सुन र एउटा मोबाइल लुटपाट
युवतीलाई बलात्कार गरी एक लाख रुपैयाँ र गरगहना लुट्ने धन्दामा संलग्न काभ्रे तिमाल गाउँपालिका– ९ का ३० वर्षीय भोटे, आशिष, जय भनिने विश्व तामाङलाई प्रहरीले पक्राउ गरेको छ ।
उनले २४ वर्षीया एक युवतीलाई विवाह गर्ने प्रलोभनमा पारी भोटेबहालस्थित एक गेस्टहाउसमा लगेर बलात्कार गरेकाे प्रहरीले जनाएकाे छ । बलात्कार गर्नुअघि उनले युवतीलाई लट्ठिने पेय पदार्थ खुवाएका थिए । महिला अचेत भएपछि उनले बलात्कार गरेकाे प्रहरीकाे भनाइ छ ।
त्यसपछि युवतीको साथमा रहेको एक लाख रुपैयाँ, दुई तोला सुन र एउटा मोबाइलसमेत लुटी तामाङ फरार भएका थिए । उनले गेस्टहाउसमा महिलाकै परिचयपत्रबाट कोठा बुक गरेको महानगरीय प्रहरी परिसर काठमाडौंका प्रवक्ता एसपी दिनेश मैनालीले बताए ।
