निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ श्रावण ३० सोमबार
  • Monday, 15 August, 2022
तस्बिर : अमुल थापा
नयाँ पत्रिका काठमाडौं
२०७९ जेठ ३१ मंगलबार १३:३०:००
Read Time : < 1 मिनेट
मुख्य समाचार डिजिटल संस्करण

सरकारले खेलाडीका लागि खेलकुद बिमा सुरु गर्ने

Read Time : < 1 मिनेट
नयाँ पत्रिका, काठमाडौं
२०७९ जेठ ३१ मंगलबार १३:३०:००

सरकारले खेलाडीको संरक्षण र विकासका लागि खेलकुद बिमाको अवधारणा ल्याएको छ। मंगलबार प्रतिनिधिसभाको विनियोजित बजेटमा उठेका मन्त्रालयअन्तर्गतको युवा तथा खेलकुदमन्त्रीको तर्फबाट जवाफ दिँदै शिक्षा, विज्ञान तथा प्रविधिमन्त्री देवेन्द्र पौडेलले खेलकुद बिमाको अवधारणा ल्याइएको बताए।

‘खेलाडीहरूको संरक्षण र विकासका लागि आगामी आर्थिक वर्षमा खेलकुद बिमाको अवधारणा विकास गरिएको छ। दुर्घटनामा परेका खेलाडीको उपचार गर्न, चिकित्सा केन्द्रलाई व्यवस्थित गर्न बजेट विनियोजन गरिएको छ,’ उनले भने।

उनले आगामी आर्थिक वर्षमा खेलाडीका लागि खेलाडी बिमाअन्तर्गत खेलाडी जीवन बिमा, खेलाडी तथा स्वास्थ्य प्रशिक्षण बिमा, खेलाडी तथा प्रशिक्षण आकास्मिक बिमाको व्यवस्था गरेको बताए।

उनले आगामी आर्थिक वर्षमा एक सय ७१ वटा पालिकामा नै बजेटको व्यवस्था गरी खेलपूर्वाधार निर्माण गर्ने सरकारको योजना रहेको बताए। मन्त्री पौडेलले  खेलकुद र खेलाडीको विकास विद्यालय तहदेखि गर्ने उद्देश्यले आगामी आवदेखि नमुनाका रूपमा एक विद्यालय एक खेलमैदानको व्यवस्था गरिने बताए।