![](https://nayapatrika.blr1.cdn.digitaloceanspaces.com/news/images/kadariya2022-05-17-01-21-21.jpeg)
ताप्लेजुङको सिदिङ्वा गाउँपालिकाको अध्यक्षमा नेकपा एमालेका मानबहादुर राई विजयी भएका छन् भने उपाध्यक्षमा नेकपा माओवादीकी कृष्णमाया कडरिया विजयी बनेकी छिन् । गाउँपालिकाको अध्यक्षमा एक्लो एमालेका उम्मेदवार राईले जित हात पारेका हुन् ।
राई तीन हजार ८५ मत ल्याएर विजयी बनेका हुन् । उनका प्रत्याशी गठबन्धनका तर्फबाट नेपाली कांग्रेसका प्रदीप राईले दुई हजार तीन सय ८२ मत प्राप्त गरे ।
उता, उपाध्यक्षमा भने गठबन्धबाट उम्मेदवार बनेकी कृष्णकुमारी कडरियाले आफ्ना प्रतिस्पर्धीभन्दा एक मत बढी ल्याएर विजयी बनेकी हुन् । उनले दुई हजार तीन सय ७६ मत प्राप्त गरेकी छिन् । उनका प्रतिद्वन्द्वी स्वतन्त्र उम्मेदवार जीवन ताम्लिङले दुई हजार तीन सय ७५ मत प्राप्त गरेका छन् ।
सिदिङ्वा गाउँपालिकामा सातवटा वडा रहेका छन् । जसमा १, २, ३ र ६ मा एमाले विजयी भएको छ । वडा नम्बर ७ मा कांग्रेस र ४ मा संघीय लोकतान्त्रिक राष्ट्रिय पञ्च र ५ मा स्वतन्त्र उम्मेदवारले जितेका छन् ।