- वि.सं २o७९ बैशाख ३१ शनिबार
भरतपुर महानगरपालिकाको मतगणना शनिबार बिहान नौ बजेबाट सुरु हुने भएको छ । मुख्य निर्वाचन अधिकृत प्रकाश कुमार अधिकारीले विज्ञप्तिमार्फत बिहान नौ बजेबाट मतगणना सुरु हुने जनाएका छन् ।
मतगणना महानगरपालिकाको वडा नम्बर १० स्थित चितवन उद्योग संघको ब्लक सी मा हुने पनि अधिकारीले जानकारी दिए । मतगणना सुरु हुनुभन्दा एक घण्टा अघि नै उम्मेदवारले मतगणना स्थानमा आफ्नो प्रतिनिधि पठाउन निर्वाचन आयोगले आग्रह गरेको छ ।
