- वि.सं २o७९ बैशाख २७ मंगलबार
लुम्बिनी प्रदेशका उद्योगी–व्यवसायीहरूले विद्युत् सेवा नियमित नभएको भन्दै लोडसेडिडको तालिका उपलब्ध गराउन विद्युत् प्राधिकरणसँग माग गरेका छन् । केही महिनादेखि निरन्तर विद्युत्मा समस्या देखिँदा पनि प्राधिकरण मौन बसेको नेपाल उद्योग वाणिज्य महासंघ लुम्बिनी प्रदेशका अध्यक्ष कृष्ण शर्माले बताए ।
‘सुक्खायाममा प्रायः विद्युत् उत्पादनमा गिरावट आउने सबैले बुझेको कुरा हो, तर उद्योगमा पनि घरमा जस्तो बिजुली जाने–आउने गर्दा उत्पादनमा नोक्सान हुन्छ । त्यसैले बिजुली आउने–जाने तालिका सार्वजनिक गर्न माग गरेका हौँ ।’
लोडसेडिङ तालिका भएमा उद्योगीहरूले जेनेरेटर या वैकल्पिक उपाय अपनाउने अवस्था हुन्छ । तर, विद्युत् आउने–जाने निश्चित नभएकाले वैकल्पिक तरिकाबाट उद्योग चलाउने विषयमा अन्योल भएको उनले बताए ।
