- वि.सं २o७९ बैशाख २० मंगलबार
कांग्रेसले निर्वाचन तयारीलाई तीव्रता दिन उपसभापति पूर्णबहादुर खड्का संयोजकत्वको स्थानीय तह निर्वाचन केन्द्रीय परिचालन समितिको सचिवालय गठन गरेको छ। समिति संयोजक खड्काले ६ सदस्यीय स्थानीय तह निर्वाचन केन्द्रीय परिचालन समिति सचिवालय गठन गरेका हुन्।
केन्द्रीय सदस्य नानु बाँस्तोलाको संयोजकत्वमा डा. सुरेश आचार्य, डा. प्रभु बुढाथोकी, राजेन्द्रप्रसाद पौडेल, कृष्ण केसी र गेजा शर्मा वाग्ले सदस्य रहेको सचिवालय गठन गरिएको छ ।
सचिवालयले स्थानीय तह निर्वाचन केन्द्रीय परिचालन समिति र उपसमितिहरूले गरेका निर्णयको कार्यान्वयनको अवस्था, सांगठनिक संरचना र निर्वाचन अभियानको बारेमा भइरहेका कामहरूको जानकारी लिने र संयोजकको परामर्शमा समन्वय र संयोजनसहित आवश्यक काम गर्ने मुख्यसचिव कृष्णप्रसाद पौडेलले जानकारी दिए।
