Skip This
नेपाली कांग्रेसको कार्यसम्पादन समिति बैठक जारी छ। पार्टी कार्यालय सानेपामा आइतबार दिउँसो करिब ४ बजेदेखि बैठक सुरु भएको हो।
आसन्न स्थानीय तह निर्वाचनमा महानगर र उपमहानगरका उम्मेदवारहरू टुंग्याउन बैठक बसेको हो। गठबन्धन गरेर निर्वाचनमा जाने पार्टीको निर्णयप्रति कांग्रेसभित्र दुईमत रहँदै आएको छ। शीर्ष नेताहरूबीच महानगरको उम्मेदवार टुंग्याउन पटकपटक छलफल भए पनि उम्मेदवारको टुंगो अझै लागेकाे छैन।
कार्यसम्पादन समिति बैठकमा नेता अर्जुननरसिंह केसीले फरक मत राखेका छन्। सभापति शेरबहादुर देउवा पार्टी विधानविपरीत गएको उनको आरोप छ। पार्टीमा पर्याप्त छलफल नगरी महानगरका मेयरका उम्मेदवार टुंग्याउन कार्यसम्पादन समिति बैठक औपचारिकतामा मात्रै सीमित बनाउन खोजेको नेता केसीले आरोप लगाएका छन्।
