न्युज २४ ले पहिलो संस्करणको एफएनजे मिडिया कप फुटसलको उपाधि जितेको छ । ललितपुरको च्यासलस्थित नेसनल स्पोर्टस् सेन्टरमा सम्पन्न फाइनलमा न्युज २४ ले पत्रकार महासंघ ललितपुर शाखालाई ५–२ ले हराउँदै उपाधि हात पारेको हो ।
सेमिफाइनलमा न्युज २४ ले पत्रकार महासंघ कास्की शाखालाई ६–२ ले पराजित गरेको थियो । ललितपुरले फाइनल स्थान रक्षा गर्न टिम शिलापत्रलाई सेमिफाइनलमा ४–१ ले हराएको थियो । विजेता न्युज २४ ले २५ हजार र उपविजेता ललितपुरले १५ हजार रुपैयाँ पाएका छन् ।
प्रतियोगितामा विधागततर्फ उपाधिमा न्युज २४ कै वर्चस्व रह्यो । उत्कृष्ट गोलरक्षक न्युज २४ का पियूषबहादुर श्रेष्ठ भए ।