- वि.सं २o७८ फाल्गुण २५ बुधबार
डिजिटल वालेट ‘माई पे’ ले वालेट प्रयोग गर्दा रु १ लाखसम्मको दुर्घटना बिमा सुविधाको योजना सार्वजनिक गरेको छ । माई पेका अनुसार ग्राहकलाई डिजिटल कारोबार गर्न प्रोत्साहित गर्ने उद्देश्यले वालेट प्रयोग गर्दा बिमा सुविधा ल्याइएको हो ।
उक्त एक लाखको दुर्घटना सुविधा प्राप्त गर्नका लागि माई पे एप डाउनलोड गरी केवाइसी भेरिफाइड भएको र नेपाली महिनाअनुसार हरेक महिना माई पेमार्फत न्यूनतम एक हजार रुपैयाँको कारोबार भएको हुनुपर्छ । यसरी मासिक एक हजारको कारोबार भएको दुई दिनपछि उक्त ग्राहकको एक लाख रुपैयाँको बिमा योजना कार्यान्वयन हुनेछ । बिमा योजना कार्यान्वयन भएको जानकारी एसएमएसमार्फत गराइने कम्पनीले बताएको छ ।
