- वि.सं २o७८ फाल्गुण ५ बिहीबार
पाँचदलीय गठबन्धनको बैठक सुरु भएको छ। प्रधानमन्त्रीनिवास बालुवाटारमा बैठक बसेको हो। बैठकमा अमेरिकी सहयोग परियोजना (एमसिसी)बारे छलफल हुनेछ। अपराह्न ३ बजेका लागि बोलाइएको बैठक दुई घण्टापछि सारिएको थियो। बैठकअघि प्रधानमन्त्री शेरबहादुर देउवा र नेकपा माओवादी केन्द्रका अध्यक्ष प्रचण्डबीच छलफल भएको थियो। प्रचण्डले नेकपा एकीकृत समाजवादीका अध्यक्ष माधव नेपाल र जसपाका नेता राजेन्द्र श्रेष्ठसँग पनि छुट्टै छलफल गरेका थिए।
