- वि.सं २o७८ फाल्गुण ४ बुधबार
सुबाेध आचार्य विगत केही वर्षदेखि सर्प संरक्षणमा जुटेका छन् । काठमाडौं आसपासका विभिन्न ठाउँबाट सुबाेधले अहिलेसम्म १० वटा सर्पको संरक्षण गरेका छन् । बुधबार बिहान पनि उनले दक्षिणकालीस्थित वडा नम्बर ८ मा दुईदेखि तीन फिट लामो राजगोमन सर्प फेला पारे ।
राजगोमन विशेषगरी दक्षिण एसियामा पाइन्छ भने नेपालको ४२ जिल्लामा देखिएको छ । राजगोमन स्वभावमा धेरै लजालु हुन्छ । नेपाल राजगोमनको प्राकृतिक वासस्थान पनि हो। राजगोमनले आफ्नो गुँड जमिनभन्दा साढे दुई फिट तल बनाउने गर्छ । युरोपका मानिसले विभिन्न प्रजातिका सर्पहरू धेरै मात्रामा किनबेच गर्ने गर्दछन् । वन डिभिजन कार्यालय र सर्प अनुसन्धानकर्ता कमलदेवको अनुमतिमा फेला परेको राजगोमनलाई सुबाेधले दक्षिणकालीस्थित हात्तीवनमा संरक्षण गरेका छन् ।
