गत कात्तिकमा नबःहाल टोलमा भएको ग्यास विस्फोटका पीडित परिवारलाई ललितपुर महानगरपालिकाले दश लाख रुपैयाँ प्रदान गरेको छ। महानगरपालिकाका मेयर चिरीबाबु महर्जन र उपमेयर गीता सत्यालले उक्त रकम पीडित परिवारलाई प्रदान गरे ।
यसबाहेक विपद् व्यवस्थापन समितिमा संकलन भएको एक लाख नगद पनि पीडित अनार ताम्राकारलाई हस्तान्तरण गरिएको छ। ग्यास विस्फोटपछिको आगलागीमा परेर घाइते भएकी सिर्जना भण्डारीको उपचार खर्च पनि महानगरले व्यहोरेको छ।