- वि.सं २o७८ पौष २६ सोमबार
एआइजी हरिबहादुर पालले हिमालयन बैंक लिमिटेड गल्फ प्रतियोगिताको उपाधि जितेका छन् । रोयल नेपाल गल्फ कोर्समा २३ देखि २४ पुस भएको प्रतियोगितामा पालले ४० स्कोर गर्दै आइतबार उपाधि जितेका हुन् । प्रतियोगिता स्टेवल फोर्ड तीन वाई चार ह्यान्डिक्याप विधामा भएको थियो ।
३७ स्कोरका मेजर जेनरल विजय मोक्तान उपविजेता भए । महिलातर्फ तारा कार्की चित्रकारले ३७ स्कोरका साथ उपाधि हात पारिन् । सिनियरतर्फ मेजर जनरल कमल सिंह प्रधानले ३४ स्कोर गर्दै उपाधि हात पारे । हिमालयन बैंक परिवारतर्फबाट जयन्द्रविक्रम शाहले सर्वाधिक ३१ स्कोर गरी उपाधि जितेका छन् ।
पुरुष जुनियरमा टासी शेर्पा पहिलो भएका छन् । उनले सर्वाधिक २५ स्कोर गरेका थिए । महिला जुनियरमा अन्भद्या मल्लले १८ स्कोर गर्दै उपाधि हात पारिन् । जुनियर लंगेस्ट ड्राइभमा जयवीर आचार्य पहिलो भए । जुनियर क्लोज टु पिनमा इदान्त सिंह साउउले उपाधि जिते ।
प्रतियोगितामा विजयी खेलाडीहरूलाई बैंकका अध्यक्ष प्रचण्डबहादुर श्रेष्ठ, प्रमुख कार्यकारी अधिकृत अशोकशमशेर राणा तथा महाप्रबन्धक अनुप मास्केलगायतले पुरस्कृत गरेका थिए ।
