निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार २१ मंगलबार
  • Tuesday, 05 July, 2022
२०७८ पौष २३ शुक्रबार १८:३७:००
Read Time : < 1 मिनेट
मुख्य समाचार डिजिटल संस्करण

सिसिएमसीसी बैठक : सीमावर्ती क्षेत्रमा तत्काल होल्डिङ सेन्टर निर्माण गर्न प्रधानमन्त्रीको निर्देशन (भिडियोसहित)

Read Time : < 1 मिनेट
२०७८ पौष २३ शुक्रबार १८:३७:००

प्रधानमन्त्री शेरबहादुर देउवाले कोभिड– १९ संकट व्यवस्थापन समन्वय केन्द्र (सिसिएमसीसी)को बैठकमा सीमावर्ती क्षेत्रमा होल्डिङ सेन्टर तत्काल निर्माण गर्न निर्देशन दिएका छन्। प्रधानमन्त्री कार्यालय सिंहदरबारमा बसेको सिसिएमसीको बैठकमा प्रधानमन्त्री देउवाले झापा, विराटनगर, पर्सा, कपिलवस्तु, नेपालगन्ज, कैलाली र कञ्चनपुरका सीमावर्ती क्षेत्रमा होल्डिङ सेन्टर तत्काल निर्माण गर्न निर्देशन दिएका हुन्।

बैठकमा स्वास्थ्य मन्त्रालय र नेपाली सेनाको तर्फबाट पछिल्लो अवस्थाबारे बिफ्रिङ गरेका थिए। बिफ्रिङपछि प्रधानमन्त्री देउवाले खोप अभियानलाई तीव्र बनाउन, अतिरिक्त खोप अभियान सुरु गर्न, संक्रमण फैलिरहेकाले आवश्यक पर्ने अक्सिजन, भेन्टिलेटरसहित स्वास्थ्य सामग्रीको तथा उपकरणको जोहो गर्न र स्वास्थ्य मापदण्डका लागि जनचेतनामूलक कार्यक्रम तीव्र बनाउन निर्देशन दिएका थिए। 

प्रधानमन्त्री देउवाले तयारीका लागि बजेटको अभाव हुन नदिने प्रतिबद्धतासमेत जनाएका थिए। शुक्रबार मात्र स्वास्थ्य मन्त्रालयले पुस महिनामा लिइएका नमुनामध्ये थप २४ जनामा ओमिक्रोन भेरियन्ट संक्रमण पुष्टि भएको जानकारी दिएको थियो। बैठकमा स्वास्थ्य मन्त्रालयले प्रधानमन्त्रीलाईे बालबालिकालाई आइतबारबाट खोप सुरु हुने, तेस्रो डोज माघको पहिलो हप्ताबाट (फन्टलाइनर र जोखिम समूह)लाई सुरु गरिने बिफ्रिङ गरेको थियो।