सर्वोच्च अदालतमा पहिलोपटक गोलाप्रथाबाट पेसी तोकिएको छ। आज बुधबारका लागि गोलाप्रथामार्फत ११ इजलासमा दुई सय १७ मुद्दाको पेसी तोकिएको सर्वोच्च प्रशासनले जानकारी दिएको छ । आजका लागि दुई एकल र नौ संयुक्त इजलास तोकिएको छ।
प्रधानन्यायाधीश चोलेन्द्रशमशेर जबरा कोरोना संक्रमित भएपछि प्रधानन्यायाधीशपछिका वरिष्ठ न्यायाधीश दीपककुमार कार्कीको नेतृत्वमा गोला प्रथामार्फत पेसी र इजलास तोकिएको हो। आज सबै प्रकृतिका मुद्दामा पेसी तोकिएको छ।
आजबाट नेपाल बार एसोसिएसनले समेत गोलाप्रथाको स्वागत गर्दै प्रधानन्यायाधीशसहितको इजलासमा बहस नगर्ने र अन्य न्यायाधीशको इजलासमा सबैखाले मुद्दामा बहस गर्ने निर्णय गरेको छ। यससँगै एक महिनाभन्दा बढी समयपछि सर्वोच्चमा सबै प्रकृतिका मुद्दामा सुनुवाइ सुचारु भएको छ।