- वि.सं २o७८ मङ्सिर ३ शुक्रबार
कार्तिक शुक्ल पूर्णिमाका दिन आज लाग्ने चन्द्रग्रहण नेपाली आकाशबाट नदेखिने हुनाले ग्रहण बार्नु नपर्ने नेपाल पञ्चांग निर्णायक समितिले जनाएको छ ।
चन्द्रग्रहण आंशिक रूपमा लाग्ने र नेपाली आकाशबाट नदेखिने भएकाले समितिले स्वीकृति दिएका पात्रोमा यसबारे उल्लेख नभएको सदस्यसचिव सूर्यप्रसाद ढुंगेलले जानकारी दिए । नेपाली समयअनुसार दिउँसो १:०३ बजेदेखि लाग्ने चन्द्रग्रहण अपराह्न ४:३२ बजेसम्म देखिने जनाइएको छ ।
एसियाका केही क्षेत्र, अमेरिका, उत्तरी युरोप, अस्ट्रेलिया तथा प्रशान्त महासागरीय क्षेत्रलगायतबाट यो चन्द्रग्रहण देख्न सकिने नेपाल एस्टाेनोमिकल सोसाइटीका अध्यक्ष सुरेश भट्टराईले बताए ।
नेपालबाट विरलै छायाजस्तो भाग मात्र देखिने र नांगाे आँखाले त्यो पनि देख्न नसकिने उनको भनाइ छ । यसपटकको चन्द्रग्रहण पहिले देखिनेभन्दा हल्का रेखा आकारमा देखिने खगोलविद्को दाबी छ । रासस
2024-09-18-01-30-27.gif)
2024-09-18-01-30-29.gif)
