- वि.सं २o७८ असार ३१ बिहीबार
कर्णाली प्रदेश सभाको वर्षे (बजेट तथा नीति कार्यक्रम) अधिवेशनको अन्त्य गरिएको छ । कर्णाली प्रदेश सरकारको सिफारिसमा प्रदेश प्रमुखको कार्यालयले बुधबार राति वर्षे अधिवेशन अन्त्य गरेको हो ।
असार १ गते बजेट ल्याएको कर्णाली प्रदेश सरकारले बजेट पास नहुँदै असार ३० गते राति १२ बजेदेखि लागू हुने गरी अधिवेशन अन्त्य गरिएको छ । बजेटमाथि छलफल गर्न बस्ने गरेका प्रदेश सभाका १८ वटा बैठक एमालेले अवरुद्ध पारेपछि अधिवेशनको अन्त्य गरिएको छ । अधिवेशनको अन्त्य भएसँगै कर्णाली प्रदेश सभाको बजेट पनि अन्याेलमा परेको ।
कर्णाली प्रदेश सरकारले बजेट अधिवेशन अन्त्य गरेर अध्यादेश वा पेस्की बजेट ल्याउने कर्णाली प्रदेश सरकारको तयारी रहेको छ ।
