मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असार ९ बुधबार
  • Wednesday, 23 June, 2021
नयाँ पत्रिका काठमाडौं
२०७८ जेठ ४ मंगलबार १७:४८:००
Read Time : < 1 मिनेट
मुख्य समाचार डिजिटल संस्करण

एकतामा असहयोग पुग्ने सबै गतिविधि बन्द गर्न नेता–कार्यकर्तालाई एमाले कार्यदलको आग्रह  (भिडियोसहित)

Read Time : < 1 मिनेट
नयाँ पत्रिका, काठमाडौं
२०७८ जेठ ४ मंगलबार १७:४८:००

पार्टी एकतामा देखिएको समस्या समाधानका लागि गठित एमालेको कार्यदलले पार्टी एकतामा असहयोग पुग्ने सबै प्रकारका गतिविधि तत्काल बन्द गर्न नेता–कार्यकर्ता पंक्तिलाई आग्रह गरेको छ ।

सिंहदरबारस्थित पार्टी संसदीय दलको कार्यालयमा मंगलबार बसेको बैठकले त्यस्तो निर्णय गरेको पार्टी प्रवक्ता तथा परराष्ट्रमन्त्री प्रदीप ज्ञवालीले जानकारी दिए । ‘कार्यदलले पार्टीको समस्या समाधान गर्न काम सुरु गरिसकेको परिप्रेक्ष्यमा सबै नेता–कार्यकर्ताले यसलाई सकारात्मक निष्कर्षमा पु¥याउन योगदान गर्ने, असहयोगका कुनै पनि गतिविधि नगर्ने र समस्या समाधानका लागि सबैले सकारात्मक सहयोग गर्नका लागि आग्रह गर्ने निर्णय भएको छ,’ ज्ञवालीले सञ्चारकर्मीहरूसँग भने । 

बैठकले कार्यदलको कार्यक्षेत्र, कार्यविधि र आचारसंहिता तुरुन्त तय गरेर लागू गर्ने निर्णय गरेको कार्यदल सदस्य रघुजी पन्तले जानकारी दिए । पार्टी एकतामा देखिएको समस्या समाधानका लागि आइतबार अध्यक्ष केपी ओली र वरिष्ठ नेता माधवकुमार नेपालबीच १० सदस्यीय कार्यदल गठन गर्ने सहमति भएको थियो । 

कार्यदलमा ओलीका तर्फबाट संसदीय दलका उपनेता सुवास नेम्वाङसहित विष्णु पौडेल, प्रदीप ज्ञवाली, शंकर पोखरेल र विष्णु रिमाल छन् । नेपालका तर्फबाट भीमबहादुर रावल, सुरेन्द्र पाण्डे, घनश्याम भुसाल, गोकर्ण विष्ट र रघुजी पन्त छन् ।