नेपाल बैंक लिमिटेडको स्वामित्वमा रहेको नागरिक लगानी कोषको संस्थापक समूहअन्तर्गतको ४ लाख ६८ हजार ८ सय २८ कित्ता सेयर लिलाम बिक्री गर्ने भएको छ । बैंकले उक्त संस्थापक सेयरको न्यूनतम मूल्य १ हजार ५ सय २ रुपैयाँ ५० पैसा तोकेर सेयर बिक्री गर्न लागेको हो ।

यस सेयरमा न्यूनतम १ सय कित्ताका लागि आवेदन दिन सकिने जनाइएको छ । उक्त संस्थापक सेयर खरिदका लागि बैंक तथा वित्तीय संस्था र बिमा कम्पनीहरू मात्र सहभागी हुन सक्ने बैंकले जनाएको छ । इच्छुक लगानीकर्ता कम्पनीले चैत १७ गते सम्ममा दररेट खुलाई सिलबन्दी बोलपत्र पेस गर्नुपर्ने जनाइएको छ ।