- वि.सं २o७७ फाल्गुण ११ मंगलबार
नेकपा प्रचण्ड–नेपाल पक्षका नेता तथा पूर्वअर्थमन्त्री सुरेन्द्र पाण्डेले संसद् विघटन बदर गर्ने सर्वोच्च अदालतको फैसलाबाट प्रतिगमन र संविधानविरोधी स्वेच्छाचारी कदमको हार भएको बताएका छन् ।
अदालतको फैसलाबारे प्रतिक्रिया व्यक्त गर्दै पाण्डेले नयाँ पत्रिकासँग भने, ‘यो लोकतन्त्रको, न्यायको जित हो, संविधानको रक्षाको पनि प्रश्न हो र प्रतिगमन र संविधानविरोधी स्वेच्छाचारी कदमको हार हो । फैसलाले सर्वोच्च अदालतको, न्यायकर्मीहरूको प्रतिष्ठा बढाएको छ ।’
