मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख १० शुक्रबार
  • Friday, 23 April, 2021
तस्बिर : संजित परियार
नयाँ पत्रिका काठमाडाैं
२०७७ माघ १३ मंगलबार १२:५६:००
Read Time : < 1 मिनेट
मुख्य समाचार डिजिटल संस्करण

माउन्ट केटु हिमाल आरोही स्वदेश फिर्ता, विमानस्थलमा भव्य स्वागत 

Read Time : < 1 मिनेट
नयाँ पत्रिका, काठमाडाैं
२०७७ माघ १३ मंगलबार १२:५६:००

विश्वको दोस्रो अग्लो हिमाल माउन्ट केटु (पाकिस्तान)को सफल आरोहण गरी कीर्तिमान कायम गर्ने नेपाली आरोहीहरू स्वदेश फर्किएका छन् । निर्मल पुर्जासहितको १० सदस्यीय नेपाली टोली विश्वको दोस्रो अग्लो हिमाल माउन्ट केटु आरोहण गरेर मंगलबार स्वदेश फर्किएकाे हाे ।

उनीहरूले माघ ३ गते माउन्ट केटुको सफल आरोहण गरेका थिए । संस्कृति, पर्यटन तथा नागरिक उड्ययन मन्त्रालयका सचिव यादवप्रसाद कोइरालाले त्रिभुवन विमानस्थलमा आरोहीहरूलाई स्वागत गर्दै आरोहीहरूले नेपालको उच्च शिरलाई पुनः अन्तर्राष्ट्रिय जगतमा राख्न सफल भएको बताए ।

 

नेपालीहरू हरेक हिमाल चढ्न सक्छन् भन्ने उजागर भएको उनकाे भनाइ छ । यसले वर्तमान समयमा नेपालका आठ हजार मिटरमाथिका हिमालहरू आरोहण गर्न आउने पर्यटकलाई पनि प्रोत्साहन मिलेको बताए ।

आरोही निर्मल पुर्जाले आफूहरूले माउन्ट केटु हिमालको सफल आरोहण गरी विश्वलाई ठूलो शन्देश दिएको बताए । समूहमा काम गरे कुनै कुरा पनि असम्भव छैन भन्ने सन्देश दिएको उनको भनाइ छ ।

माउन्ट केटुमा अहिलेसम्म हिउँद याममा कसैले पनि सफल आरोहण गर्न नसकेको अवस्थामा नेपालीहरूले सफल आरोहण गरी नेपालीको नाम राखेको आरोही मिङ्मा शेर्पाले बताए ।  हिमाल आरोहीहरूको निम्ति ठूलो उपलब्धि भएको पनि उनले बताए । आरोहीहरूले आरोहणको क्रममा पाकिस्तानी सरकार र जनताबाट राम्रो साथ सहयोग पाएको बताएका छन् ।