- वि.सं २o७७ पौष १९ आइतबार
टिपरको ठक्करबाट गम्भीर घाइते भएका एक पुरुषको उपचारको क्रममा मृत्यु भएको छ । बा.४ख ५८४० नम्बरको टिपरको ठक्करबाट वीरेन्द्रनगर– १२ का ५८ वर्षीय दफार बक्स घाइते भएका थिए ।
मंगलगढी–धुलियाबिट फोरलेन सडकखन्डको पिपिरा खोला पुलमा टिपरले स्थानीय दफार बक्सलाई शनिबार साँझ ठक्कर दिएको थियो । प्रहरीले टिपर र चालकलाई नियन्त्रणमा लिएको जनाएको छ ।
उपचारको क्रममा नेपालगन्जमा आइतबार मृत्यु भएपछि आफन्तहरूले देउती बज्यै चोकमा सडकमा टायर बालेर प्रदर्शन गरिरहेका छन् । सडक सुचारु गर्न आफन्तसँग वार्ता भइरहेको सुर्खेत प्रहरीले जनाएको छ ।
