मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ फाल्गुण २३ आइतबार
  • Sunday, 07 March, 2021
रासस काठमाडाैं
२०७७ पौष १७ शुक्रबार १२:३३:००
Read Time : < 1 मिनेट
खेलकुद डिजिटल संस्करण

सन्दीपले बिगबासमा शनिबार पहिलो खेल खेल्ने

Read Time : < 1 मिनेट
रासस काठमाडाैं
२०७७ पौष १७ शुक्रबार १२:३३:००

नेपाली लेग स्पिनर सन्दीप लामिछानेले अस्ट्रेलियामा जारी ‘बिगबास लिग’मा यस सिजनको पहिलो खेल शनिबार खेल्ने भएका छन्। 

चौध दिनको अनिवार्य क्वारेन्टिनको समय सकिएपछि उनले पहिलो खेल पुरानो क्लब मेलवर्न स्टार्सविरुद्ध खेल्न लागेका हुन्। 

लामिछानेले मेलवर्न स्टार्सविरुद्धको खेल खेल्ने पक्का भएको उनका व्यवस्थापक रमन सिवाकोटीले जानकारी दिए। 

होबार्ट हुरिकेन्समा आबद्ध लामिछानेले कोरोना भाइरसको संक्रमणका कारण यस यामका सुरुवातका ६ खेल गुमाएका थिए। 

नेपालमै छँदै कोरोना संक्रमण भएपछि लामिछानेलाई बिगबास लिग खेल्नका लागि अष्ट्रेलिया जान ढिला भएको थियो । अस्ट्रेलिया पुगेपछि पनि अनिवार्य १४ दिन क्वारेन्टिनमा बस्नुपर्ने भयो । जसले गर्दा उनले प्रारम्भका ६ खेल खेल्न पाएनन् । 

बुधबार मात्रै उनी क्वारेन्टिनमुक्त भएका छन् । उनी सम्मिलित टोली होबार्ट सातौँ खेल खेल्ने तयारीमा छ । हालसम्म खेलेका ६ खेलमा होबार्ट चारमा जित तथा दुई खेलमा हारका साथ आठ टोली सम्मिलित बिगबासको तेस्रो स्थानमा छ । 

बिगबास खेल्न लामिछाने गत ३० मंसिरमा अष्ट्रेलिया गएका थिए ।  लामिछानेले खेल्ने शनिबारको खेल नेपाली समयअनुसार बिहान पौने १२ बजे सुरु हुने बताइएको छ । उनले तेस्रोपटक बिगबास लिग खेल्न थालेका हुन् । 

लामिछानेले यसअघि दुई यामको बिगबास मेलवर्न स्टार्सबाट खेलेका थिए । अघिल्ला दुई याममा उनले कुल २० खेल खेल्दै २६ विकेट लिएका थिए ।