सरकारले आउँदो वर्ष मदन भण्डारी प्रौद्योगिक विश्वविद्यालयको पूर्वाधार निर्माण गर्न एक अर्ब २५ करोड रुपैयाँ विनियोजन गरेको छ ।
अर्थमन्त्री डा. युवराज खतिवडाले आगामी आवको बजेट प्रस्तुत गर्दै प्राविधिक तथा व्यावहारिक शिक्षाका लागि मदन भण्डारी प्राविधिक विश्वविद्यालय सञ्चालन गर्न एक अर्ब २५ करोड रुपैयाँ विनियोजन गरिएको जानकारी दिए ।
उनले नेपाल विज्ञान तथा प्रविधि प्रज्ञा प्रतिष्ठानको सुधार तथा पारमाणविक प्रयोगशाला स्थापनाका लागि आवश्यक बजेट व्यवस्थापन गरेको बताए ।
यस्तै, दुई प्रदेशमा विधिविज्ञान प्रयोगशाला स्थापनाका लागि बजेटको व्यवस्था गरेको बताए ।